ದೇಹಕಿರುವ ಹೆಸರು, ಮೆದುಳಿನಲ್ಲಿಯ ವಿದ್ಯೆ
ಅವುಗಳೆರಡರ ಒಟ್ಟು ಸುಳ್ಳು ಮುಖವಾಡ
ಎಲ್ಲ ಕಳಚಿ ಬೆತ್ತಲಾಗಿ ನಿಲ್ಲಲಾಗುವುದಿಲ್ಲ .
ಬರಿಯ ನಾನಾಗಿ ನಾ ಸುಖಿಸಲಾಗುವುದಿಲ್ಲ
ಸತ್ವ, ರಜ, ತಮಗಳ ಆಟ ಮನಸು ಪರದೆಯ ಮೇಲೆ
ವೃತ್ತಿ ಹಿಡಿತದಿ ಚಿತ್ತ ಮುಳು ಮುಳಗಿ ಏಳುತಿರೆ
ಬುದ್ಧಿಯರಿವಿನ ನಿಲುಕಿನಲಿ ವಿಜ್ಞಾನವಿಲ್ಲ
ಹೊಟ್ಟೆಪಾಡಿನ ಓಟ ಹೊಟ್ಟೆಗೇ ನಿಲ್ಲುವುದಿಲ್ಲ
ಮೂರು ಗುಣಗಳ ಚಕ್ರದಲಿ ದೇಹಗಳಿಗೆ ಅಲೆದಲೆದು
ಹೊತ್ತ ಭ್ರಮೆಗಳ ಭಾರ ಜನ್ಮ ಜನ್ಮಾಂತರದ್ದು
ಹೊರೆ ಇಳಿಸಿ ನೀರುಣಿಸೊ ದಾರಿಹೋಕನು ನೀನು
ಅಡಗಿರುವೆ ಏಕಿನ್ನೂ ದಣಿದಿರುವೆ ನಾನು
ಅವುಗಳೆರಡರ ಒಟ್ಟು ಸುಳ್ಳು ಮುಖವಾಡ
ಎಲ್ಲ ಕಳಚಿ ಬೆತ್ತಲಾಗಿ ನಿಲ್ಲಲಾಗುವುದಿಲ್ಲ .
ಬರಿಯ ನಾನಾಗಿ ನಾ ಸುಖಿಸಲಾಗುವುದಿಲ್ಲ
ಸತ್ವ, ರಜ, ತಮಗಳ ಆಟ ಮನಸು ಪರದೆಯ ಮೇಲೆ
ವೃತ್ತಿ ಹಿಡಿತದಿ ಚಿತ್ತ ಮುಳು ಮುಳಗಿ ಏಳುತಿರೆ
ಬುದ್ಧಿಯರಿವಿನ ನಿಲುಕಿನಲಿ ವಿಜ್ಞಾನವಿಲ್ಲ
ಹೊಟ್ಟೆಪಾಡಿನ ಓಟ ಹೊಟ್ಟೆಗೇ ನಿಲ್ಲುವುದಿಲ್ಲ
ಮೂರು ಗುಣಗಳ ಚಕ್ರದಲಿ ದೇಹಗಳಿಗೆ ಅಲೆದಲೆದು
ಹೊತ್ತ ಭ್ರಮೆಗಳ ಭಾರ ಜನ್ಮ ಜನ್ಮಾಂತರದ್ದು
ಹೊರೆ ಇಳಿಸಿ ನೀರುಣಿಸೊ ದಾರಿಹೋಕನು ನೀನು
ಅಡಗಿರುವೆ ಏಕಿನ್ನೂ ದಣಿದಿರುವೆ ನಾನು
No comments:
Post a Comment