ಕನ್ನಡಿಯ ಸಖ್ಯದಲಿ

ಮೊಲೆಯುಂಡ ಕೂಸು
ಜೋಳಿಗೆಯಲಿ ನಿದ್ರಿಸಿರಲು
ಮಧ್ಯಾನ್ಹದಾ ಬಿಡುವಿನಲಿ
ಗುಡಿಸಿಲಿನಾ ಮಧ್ಯದಲಿ
ಕುಳಿತಿರುವೆ ನಾ ನಿನ್ನ ಹಿಡಿದು
ಹೊರಸಿನಾ ಕಾಲಿಗೊರಗಿ

ತಲೆಗೆ ಎಣ್ಣೆಯನು ಹಚ್ಚಿ
ಜಗ್ಗಿ ಬೈತಲವ ಬಾಚಿ
ಜಡೆ ಹಾಕುವಾ ಗೆಳತಿ
ಗಂಡು ಹೆರದ ಕಾರಣಕೆ
ಹೋಗಿಹಳು ತವರಿಗೆ
ಕತ್ತೆಯಂತೆ ತಾ ಬಡಿಸಿಕೊಂಡು

ಎನ ಹೇಳಲಿ ನಾ ನನ್ನ ಕಥೆಯನ್ನು ಕನ್ನಡಿಯೇ
ನೀ ಎನ್ನ ಕೆನ್ನೆಗಳ ಕೆಂಪನ್ನು ತೋರುತಿಹೆ
ಇನಿಯ ಬರುವನು ರಾತ್ರಿ ಕುಡಿಧೆಂಡದಾ ಅಮಲಿನಲಿ
ದೇಹದಾಟದಿ ಬವಳಿ ನಿದ್ರಿಸುವ ಸೋಗಿನಲಿ
ನನ್ನೊಲುಮೆ ಮಾತನ್ನು ಅವ ಕೇಳ ಎಂದೆಂದೂ
ನೀನಾದರೂ ಕೇಳು ನನ್ನೆದೆಯ ಪೇಳು